Сұрақ-жауап

  • Сұрақ №: 48400
    Дата: 02.03.2019 19:12:51
    Аты-жөні: Ahmet Maqpal
    Сұрақ:
    ШҰҒЫЛ АҚПАРАТ! Өткен аптаның жұмасында Шу қалалық мәдениет үйінен үлкен дау шықты. Шығу себебі мекемедегі жаңа басшы көз қысты, бармақ бастылықпен келіп, ұжым арасынан бүйректен сирақ шығарып, ұжымның мазасын алып, қызметкерлерді қамырдан илеп алғандай шетінен балағаттап, қолына түскенді лақтырып, буындырып, ұрып-соғып қорқытуда! -Бұның қалай? - десең, кімге айтсаң оған айт, БІЗ, ҚҰДАЙДАН ДА ҚОРҚПАЙМЫЗ - деп, сөз айтады. Бәлкім шіреніп тұрып сөз айтуындада себеп бар шығар. Тереккеде тірек керек демеушіді ме?!.. Аудан басшысына жетектеп, атақ-мансабын саудалап, ауданымызға белгілі күйші Әбдімомын Желдібаев еш тәжрибесі жоқ, талапқа сай емес, бірнеше жерде төбелес ұйымдастырып, үстінен шағым түсіріп, бей берекетсіз жүрген ӘДЕНОВ МАРАТ СЕРІКұлын қойғызды. Содан болар бәріне әлімжеттік жасап жүргені?! Жұма күні, кызметке қызу келген МАРАТ ӘДЕНОВ әдеттегідей әуеніне салып, қызметкерлерді балағаттап, қолын саптап, шеттеріңнен бәріңніңде көздеріңді құртам! Жібергендердің арттарынан кетксіңдер! Ширек уақыт қызмат еткен Айнұр Самбекова, Бұныңыз қалай?! Сіз келгелі себсіз қанша қызметкерлерді босаттыңыз, бәрімізді балағатап шетімізден босата бересіз ба?! деп сұрағаны сол еді, МАРАТ ӘДЕНОВ бей-қам отырған қызметкер әйел затын; - Сен Қ*НШЫҚ НЕ ОТТАП ОТЫРСЫҢ - деп, жүгіріп келіп, тамағынан буындырып, отырған жерінен шашынан жұлқып, ішінен періп, ұрып-соғып, жерге құлатып үстіне мініп алып, аяғымен кеудесін басып тұрып, шашын уыстап ұстаған бойда жердегі еденге /КАФЕЛЬ/ есінен танғанынша басын ұрғаны! Бұл оқиға бірінші рет емес! Алдында да қарауылды өлімшедей сабаған МАРАТ ӘДЕНОВке әдеттегідей нәрсе! Қорқып қалған қызметкерлер, ҚЫЗ БАЛАСЫН өлімшідей сабап, есінен танып қалғанынша ажырата алмаған. Салдары; бас сүйегінің жарылуы, бас миының шайқалуы, солжақ қолдың қарайғанша көгеруі, іш-құлыстың зақымдалуы т.с.с Апта өтседе ІІБ мен аудан басшыларының жылы орындарын сақтап қалу мақсатында орындарынан қозғалмай жылы жаба салуы. Оған дәлел атақ-мансабын пайдаланып отырған әкім орынбасары Қожағапанова Клара, бөлім басшысы Жазықпаева Асел, күйші Әбдімомын Желдібаев сынды көш басында тұрып, аса ауыр түрде жәбір көрген Айнұр Самбекованы қолдаудың орнына, қайта қысым көрсетіп, жауыздық көрсеткен МАРАТ ӘДЕНОВты кешіруін сұратуда. Жауыздық көрсеткені аздай апта ішінде түрлі адамдар арқылы қоңыраулар шалынып, түн ауа үйінің есігін ұрып қорқытуда! Жаны нәзік қыз баланың, әйел ананың ертеңгі өміріне қауып төніп тұрған ертеңгі тағдыры мен күні не болмақ?!... Сізден көмек сұраймыз!
    Жауап күні:
    14 наурыз, 2019 - 16:05
    Жауап:
    К.М.Ахметке Құрметті Ахмет Мақпал Қайрат! Сіздің, Шу қалалық мәдениет үйінің директоры М.Әденовтың заңсыз әрекеттеріне қатысты жазған арызыңыз қаралды. Ағымдағы жылдың 24 ақпанында Шу қалалық ауруханасынан А.Самбекованың «сол жақ шынтақ жарақаты» дене жарақатымен медициналық көмекке жүгінгендігі туралы хабарлама, Шу аудандық полиция бөлімінің арыздарды есепке алу кітабына №193166030000875 тіркелген. Тексеру барысында сұралған азаматша А.Самбекова 22.02.2019 жылы шамамен 22:00 сағатта Шу қаласының Сейфулин көшесінде орналасқан «Рахат» кафесінде әріптестерімен отырыс барысында М.Әденовпен өзара сөзге келіспей, соңғы оны екі қолымен мойынынан қылқындырып жерге итеріп құлатқанын көрсеткен. Алған дене жарақаты бойынша сол күні ауруханаға қаралмай, үйіне қайтқан. Тағайындалған сот-дәрігерлік сараптама қорытындысына сәйкес А.Самбековаға жеңіл дәрежедегі дене жарақатын келтірген. Алайда, А.Самбекованың бас сүйегінің жарылуы, бас миының шайқалуы, сол жақ қолдың қарайғанша көгеруі және іш-құрылысының зақымдану деректері расталмады. 12.03.2019 жылы М.Әденовке қатысты Қазақстан Республикасының Әкімшілік құқық бұзушылық туралы кодексінің 73-1 бабының 1-бөлігімен (денсаулыққа қасақана жеңіл зиян келтіру) әкімшілік хаттама толтырлып сотқа жолданған. 13.03.2019 жылғы Шу аудандық сотының қаулысымен М.Әденов көрсетілген баппен кінәлі деп танылып, 37 875 теңге айыппұл салу жазасы қолданылған. Сонымен қатар, А.Самбекова көрсетімінде М.Әденовке кешірім беру мақсатында қысым көрсету деректерін жоққа шығарған. М.Әденовтың, қарамағындағы қызметкерлеріне балағат сөздерін айтуы бойынша Шу қаласы әкімінің 13.03.2019 жылғы №41ө ж/қ өкіміне сәйкес «қатаң сөгіс» түріндегі тәртіптік жазаға тартылған. Облыс прокурорының міндетін атқарушы Б.Телеу  Р.Асанов  45-43-79
  • Сұрақ №: 47704
    Дата: 27.12.2018 14:46:57
    Аты-жөні: асылов асылкадыр
    Сұрақ:
    Т.Рысқұлов ауданы Құлан ауылы Ә.Бөкейханов атындағы мектеп. Сізге шағымданатын жайт жаңа жыл мейрамы қарсаңында мектеп басшылары аудандық білім бөлімі әдіскерлеріне сыйлық жасау мақсатында қаражат жинатып жатыр. осы мәселені қарастырсаңыздар деп өтіненім, жүйелі және тез арады. 27,12,2018
    Жауап күні:
    29 желтоқсан, 2018 - 17:34
    Жауап:
    А.А. Асыловқа Құрметті Асылкадыр Асылкадырович! Сіздің 27.12.2018 жылғы Т.Рысқұлов ауданы Құлан ауылында орналасқан Ә.Бөкейханов атындағы орта мектеп мұғалімдерінен аудандық білім бөлімі әдіскерлеріне сыйлық жасау үшін ақша жиналатындығы туралы ҚР Бас Прокурорының блогына берілген өтінішіңізді Т.Рысқұлов ауданы прокуратурасы қарады. Ә.Бөкейханов атындағы орта мектеп мұғалімдерінен ақша жинау туралы сұрау жүргізіліп, Сіздің келтірген уәжіңіз өз дәлелін таппады. Мектеп мұғалімдері түсініктемелеріне сәйкес, мектепте ақша жинау фактілері орын алмаған. Жоғарылардың негізінде прокурорлық қадағалау актілерін енгізуге негіз жоқ. Өтініштің қаралу нәтижесімен келіспейтін жағдайда, жоғарғы тұрған прокуратураға немесе сотқа шағымдануға құқылысыз. Т.Рысқұлов ауданы прокуроры Д. Асқар орынд. А.Мейірхан тел. 4-15-12
  • Сұрақ №: 47506
    Дата: 04.12.2018 16:24:42
    Аты-жөні: Сейдалиев Нурсултан
    Сұрақ:
    Құрметті Ибраһим Әлжанұлы! менің шағымым төмендегідей! 2018 жыл 1 желтоқсан күні сағат 18-00 шамасында Көшеней көшесінің бойындағы Маликахон кафесінің алдында менің әкеме өзін осы жердің учаскелік полициясымын деп таныстырып Халматов Фарух деген азамат келді. айтуынша менің әкем шегіп тұрған темекісін қалдығын рұқсат етілмеген орынға тастадыңыз деп. Халматовтың қасында өзін учаскелік полициямын деп таныстырған Аби Бағлан Арапбайұлы деген азамат бар. Аби Бағлан қызметтік киімде емес, өзінің айтуынша бүгін жұмыста емес, БІРАҚ қызметтік куәлігін көрсетіп, қолында әкімшілік хаттамалары бар менің әкеме ішкі істер бөліміне жүр деп мәжбүрлеп жатыр. бұл жерде мен Аби Бағлан Арапбайұлы ҚР қылмыстық кодексінің 362 бабын өрескел бұзды деп ойлаймын.Бұл екеуі өздерінің жеке көліктерімен және жеке ұялы телефондарымен кәдімгідей сол жерде елді сыртынан тығылып түсіріп жұмыс істеп жүр.Және бұл екеуіде уаскелік полиция емес, кәмелетке толмағандармен жұмыс істейтін Ювиналды полиция тобында екен. осы бойынша сол 1 желтоқсан күні Тараз қаласы ПБ 1-ПБ бастығы полиция подполковнигі Б.Е. Нурсейтовтың атына арыз жазған болатынмын. арызды түнгі 10-00 шамасында жазсам ертесіне түске дейін менің нөміріме Сіздің өтінішіңіз қараусыз қалдырылды деп жауап келді. мен арызда көрсеткем видео дәлелдемелер бар деп. менің сұрақтарым. 1) неге менің арызымды видео дәлелдемлер бар десемде тиісті органға жібермей қысқартып тастады. 2) Бұл екі азамат жеке көлігімен жеке ұялы телефонымен осылай жұмыс істегені заңды ма? 3) Аби Бағлан Арапбайұлы неге азаматтық киімде демалыс күні жұмыс істеп жүр қызметін асыра пайдаланып. қажет болса видео дәлелдемелер бар. Рақмет!
    Жауап күні:
    14 желтоқсан, 2018 - 17:27
    Жауап:
    Н.Сейдалиевке Құрметті Нурсултан Ермекович! Сіздің Қазақстан Республикасы Бас Прокурорының блогынан түскен Тараз қалалық ПБ №1 ПБ полиция қызметкерлері Ф.Халматов пен А.Бағланның заңсыз іс-әрекеттеріне қатысты жазған арызыңыз 05.12.2018 жылы «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы 12 қаңтардағы N 221 Заңы 7 бабының 6 тармағына сай, негізінен қарап және тиісті шаралар қолдану үшін Жамбыл облыстық полиция департаментінің өзіндік қауіпсіздік басқармасына жолданды. Өз кезегінде, 07.12.2018 жылы аталған басқармамен Сіздің арызыңыз АЕК-на (ақпаратты есепке алу кітабына) №183169030000083 ретімен тіркеліп, ҚПК 181-бабы 5-бөлігіне сәйкес, қызметтік тексеру жүргізу үшін Тараз қалалық ПБ-на жолданған. Қазіргі таңда, Тараз қалалық ПБ-мен қызметтік тексеру жүргізілуде, нәтижесімен тиісті қабылданған шаралар жөнінде Сізге аталған органмен хабарланады. Қосымша: хабарлама көшірмесі 1 парақта. Облыс прокуроры И.Иманов орын. Б.Қуанышұлы жұм. тел: 45-43-79
  • Сұрақ №: 47429
    Дата: 26.11.2018 21:18:39
    Аты-жөні: Нарманова Алма
    Сұрақ:
    Құрметті Ибраһим Әлжанұлы! Мен Тараз қаласы 2 мөлтек ауданы 29 үй тұрғындары атынан төмендегі мән-жай бойынша көмек беруіңізді сұраймын. Мені пәтіріммен қабырғалас "Сергей"атты көршінің жауапсыздығынан қақаған қыстың уақытында 3 бөлмелі үйдің суықтығы қиналдырып отыр. Себебі, көршім үйінде тұрақты тұрмайды, болған жағдайда дос-жарандарымен ішімдікке беріліп уақыт өткізеді. Сондай бір күндері (2-3 айдан астам уақыттан бері) үйінің терезелерін ашып тастап кеткен. Ендігі ретте күннің аязды күндері менің үйімнің барлығы қатты суық болуда. Уйде бірден асқан кішкентай нәресте немерем бар. Қосымша жылу аппараттарын коссақта үйдің берекесі кірмей отыр. Осы көршіммен қабырғалас бөлмелерімнің қабырғалары мен терезелеріне мұз қатып, суланып көгеріп жатыр. Осы мәселе бойынша учаскелік полиция қызметкері мен подъездін жауаптысына қайырылдық. Алайда, үйдің иесінің болмау салдарынан және онымен байланыс жоқтығынан көршінің үйін ашып, терезелерін жабу мүмкіндігі жоқ деген жауап алдық. Көршінің үйін ашу үшін "прокурордың санкциясы керек" деп учаскелік полиция қызметкері айтты. КСК-ның қызметкерлерін таппадық, телефондарын көтермейді. Осы жағдай бойынша Сізден көмек беруіңізді сұраймын. Қыстың қатты аязды күндері алда. Үй-ішіммен қиналудамыз. Үлкен рахмет!
    Жауап күні:
    21 желтоқсан, 2018 - 18:41
    Жауап:
    А.Ә.Нармановаға Тараз қаласы 2 мөлтек ауданы, 29 үй Құрметті Алма Әбдібекқызы! Сіздің Қазақстан Республикасы Бас прокурорының блогына «Сергей» атты көршіңізге қатысты шара қолдану туралы жазған арызыңыз Жамбыл облысы прокуратурасымен қаралды. Сіз арызыңызда Сіздің пәтеріңізбен қабырғалас орналасқан пәтерде көршіңіз үйінде тұрмайтынын және 2-3 ай бұрын үйінің терезелерін ашып кетіп, қазіргі таңға дейін терезелері жабылмай пәтеріңіздің қабырғаларынан суық өтетінін көрсетіп, аталған мәселені шешу бойынша көмек сұрағансыз. Қабылданған шаралар нәтижесінде жергілікті атқарушы органмен, ішкі істер басқармасы және уәкілетті органдардың қызметкерлерімен Тараз қаласы, 2 мөлтек ауданы, 29 үй, 20 пәтердің ішіндегі терезелері жабылған болатын. Жоғарғылардың негізінде, Сіздің арызыңызда көрсетілген уәжіңіз бойынша мәселе толлыққанды шешілді. Облыс прокуроры И.Иманов орынд.: Е.Берікұлы тел: 45-33-71
  • Сұрақ №: 47332
    Дата: 15.11.2018 19:46:42
    Аты-жөні: Азаматов ЕРМЕК
    Сұрақ:
    Жамбыл облысының прокуроры И.Имановқа ҚР Прокуратура туралы заңының 6 бабына сәйкес қадағалау тексерістер және заңдылықтың жай-күйіне талдау жүргізу, сондай-ақ күшіне енген актілерді бағалау арқылы жүзеге асырылады. Прокурор заңдылықтың сақталуын тексеруді өзінің құзыреті шегінде Қазақстан Республикасы Президентінің, Қазақстан Республикасы Бас Прокурорының тапсырмалары негізінде тағайындайды және жүргізеді. Сондай-ақ, прокурорлардың мемлекеттік, жергілікті атқарушы органдардың және олардың лауазымды адамдарының қызметіне тексерісті тағайындау және жүргізу туралы шешімдері: 1) физикалық, психикалық және өзге де мән-жайларға байланысты өз құқықтарын, бостандықтарын және заңды мүдделерін қорғауды өзі дербес жүзеге асыра алмайтын адамдардың; 2) шектелмеген адамдар қатарының; 3) егер бұл адамдардың өмірі, денсаулығы не Қазақстан Республикасының қауіпсіздігі үшін орны толмас зардаптың алдын алуға қажет болса, адамдардың, қоғамның және мемлекеттің құқықтарын, бостандықтарын және заңды мүдделерін қорғау үшін қабылданады. Алайда, Сарысу ауданының прокуратурасы соңғы 4-5 ай көлемінде мемлекеттік органдардың жұмыс істеуіне мүмкіндік бермеуде. ҚР Прокуратура туралы заңының 44, 45-баптарын басшылыққа алып түрлі ақпараттар сұратады. Басшымды, бухгалтерін жұмыс орындарына жиі шақыртады. Негізсіз құжаттарды сұратады. Осындай жағдайлар аудандағы барлық мекемелерде орын алып жатқандығын және олардың аудан прокуроры мен орынбасарына деген наразылықтарын естіп жүрмін. Кез келген уақытта мемлекеттік органдардың мемлекеттік сатып алу, бухгалтерлік және басқа да қызметтік құжаттарды алдыртып, тексеру жүргізеді. Заңға сәйкес прокуратура органдары қадағалауды жүзеге асырған кезде өзге де мемлекеттік органдардың функцияларын алмастырмауы тиіс және тексеріс жүргізу туралы қаулы шығарып, ол құқықтық статистика және арнайы есепке алу жөніндегі уәкілетті мемлекеттік органда тіркелуі қажет. Аудандық прокуратура қадағалауды тексеру жүргізу туралы қаулысыз, уәкілетті органда тіркеусіз жүргізеді. Құжаттарды алып тексеру жүргізгенімен, қорытындысы бойынша анықтама бермейді. Сұралатын ақпараттын қандай тағайындалған тексеруге, кімнің өтінішіне қатысты екенін немесе қандай заңдылықтың жай күйін талдау үшін қажеттігін негіздей отырып сұрауы тиіс деп санаймын. Аудан прокуратурасы мемлекеттік сатып алудың порталында барлық мәліметтер көрініп тұрғанымен, арнайы хабарласып құжаттарды алдырады және басшыны бірге шақырып алады. Бұл жағдайды қалай түсінуге болады? Мемлекеттік қызметте 20 жыл жүріп мұндай жағдайды кездестірген емеспін. Аудан прокуроры мұндай іспен ұзаққа бармайды. Елбасының тапсырмаларын орындаудың орнына, бұрмалап жұмыс атқаруда. Сондықтан, Сарысу ауданы прокуроры А.Әбілдаев пен орынбасары Ұ.Қилыбаевқа шара қолдануды сұраймын және тиісті шара қабылданбаған жағдайда Бас прокурорға шағымданатынымды хабарлаймын. Сондай-ақ, мемлекеттік қызмет атқаруға мүмкіндік беруін сұранамын. Аудан прокуратурасының осындай заңсыз іс әрекеттері көптеген қызметкерлердің ашуын туғызуда. Осындай жайттар қайта орын алса жоғарғы тұрған орган мен Елбасына шағымдануға тура келеді. Аудандағы осы заңсыз әрекеттерді тоқтататыныңызға толық сенім артамын. Азаматов Ермек Елеуұлы, Жаңатас қаласының тұрғыны
    Жауап күні:
    12 желтоқсан, 2018 - 16:57
    Жауап:
    Е.Е. Азаматовқа Сіздің Сарысу ауданының прокуроры және оның орынбасарының іс-әрекетіне қатысты жазған арызыңыз облыс прокуратурасымен қаралды. Сізбен арызда келесідей уәждер келтірілген: 1) Сарысу ауданының прокуратурасының қызметкерлері тарапынан жергілікті атқарушы органдарынан негізсіз құжаттар сұратылып, тексеру жүргізетіндігі және оның қорытындыларын анықтамамен таныстырмайтындығы, ол арқылы мемлекеттік органдардың жұмыс істеуіне кедергі келтіретіндігі туралы; 2) Мемлекеттік мекемелердің басшыларын және есепшілерін аудан прокуратурасына жиі шақыратындығы туралы; 3) Сарысу ауданының прокурорына және оның орынбасарына қатысты шара қолдану туралы. Бірінші және екінші уәждеріңіз бойынша. Сіз өз арызыңызда нақты деректер мен іс-құжаттарды, сондай-ақ қай мемлекеттік мекемеге және қызметкерге қатысты бұзушылықтар орын алғандығын атап көрсетпегенсіз. Сонымен қатар, Сіздің жеке басыңыз және мекенжайыңыз туралы мәліметтердің болмауына байланысты, арызда көрсетілген сұрақтар мен бұзушылықтарға қатысты нақты мәліметтер алуға мүмкіндік болмады. Осыған орай, облыс прокуратурасымен Сарысу аудандық жергілікті атқарушы және мемлекеттік кірістер органдарымен оның құрылымдық бөлімшелерінде соңғы 5 ай аралығында аудан прокуратурасының қызметкерлері тарапынан арызда көрсетілген бұзушылықтарға жол беру деректері, ол туралы дәлелді құжаттармен толық мәліметтерді ұсыну туралы хат жолданды. Аталған мемлекеттік органдардың мәліметтеріне сәйкес, Сарысу ауданының прокуроры, оның орынбасары және басқада қызметкерлері тарапынан мемлекеттік мекемелерден заңсыз немесе негізсіз құжаттар сұрату, басшылармен қызметкерлерді шақырту, тексерістер жүргізумен ұштасатын бұзушылықтарға жол беру деректері орын алмағандығын көрсеткен. Үшінші уәжіңіз бойынша. Жоғарыдағылар негізінде арызда көрсетілген уәждеріңіз өз дәлелін таппады, сондықтан олар бойынша Сарысу ауданының прокуроры және оның орынбасарына қатысты шара қолдануға негіз жоқ. Сондай-ақ, Қазақстан Республикасының «Жеке және заңды тұлғалардың өтiнiштерiн қарау тәртiбi туралы» Заңының 5-бабы 1-тармағы 2-тармақшасына сәйкес, иесi бүркемеленген өтiнiш, мұндай өтiнiште дайындалып жатқан немесе жасалған қылмыстық құқық бұзушылықтар туралы не мемлекеттiк немесе қоғамдық қауiпсiздiкке төнетiн қауiп туралы мәлiметтер бар және мемлекеттiк органдардың құзыреттерiне сәйкес оларға дереу жiберiлуге тиiс жағдайларды қоспағанда, қарауға жатпайды. Осыған орай, егер келесіде жазатын өтінішіңізде, өтініш иесі туралы мәліметтер көрсетілмесе, онда ол өтініш қараусыз қалдырылатынын түсіндіремін. Осы жауаппен келіспеген жағдайда, Сіз жоғарғы тұрған прокуратураға немесе сотқа жүгінуге құқылысыз. Облыс прокуроры И. Иманов орынд.: А. Доматов, тел.: 45 68 27

Беттер